Baru ni sia ada singgah berhampiran jambatan Bandau di Kota Marudu untuk mambilli jagung manis yang semimangnya murah, segar dan manis dan sentiasa mendapat parmintaan yang tinggi daripada urang-urang yang ada di sekitar Kota Marudu terutama panggammar jagung rebus manis.
Sia tanya uncol yang manjual mana urang sbelah , dia bilang dia pigi tinguk sapie apdal sabab dia ada datang kasi cerama ini hari. Dia indak bajualan ini hari sebab di sana pun ada di kasi juga jadi ini hari dia suti dari manjual.
Sia pun singgah juga di sana manatau ada bagian sambil dangar caramah, tapi sia hairan dalam ramai urang tiada yg saya kanal, samua muka macam bukan urang Kota Marudu, urang kuta marudu salalu putih-putih tapi yang hadir macam banyak urang yang sedikit hitam.
Sakali saya parhati nah, banyaknya bas singgah yang numbur pletnya dari macam-macam daerah, wanah kalau bagini bulih sasak ini kuta marudu kalau urang satu Sabah datang.
Tapi Ok lah habis juga jagung manis jualan, laku juga semua kadai makan di PAkan ini sabab salapas dengar caramah samua unrag kahausan dan kalaparan sampai habis wang kicil pakadai sabab yang makan dan minum kabanyakannya mambayar pakai duit sekeping satu ratus ringgit. Mungkin samua urang baru ambil BR1M kalik bilang itu pakadai.
Selamat datang lah ke Kota Marudu dan selamat mambilli jagung manis untuk di bawak ke daerah dan kampung masing-masing. Ingat Jagung inngat Kota Marudu.
No comments:
Post a Comment